RYÐVARNARÞJÓNUSTA

Fagleg ryðvörn fyrir íslenskar aðstæður.

Hvernig virkar ProLan ryðvörn á bílum?

Ryð myndast þegar málmur kemst í snertingu við raka og súrefni og salt flýtir verulega fyrir því ferli. Hér á Íslandi fá bifreiðar mikið á sig, salt, raka, hitabreytingar og sjávarloft, og því skiptir góð ryðvörn miklu máli ef halda á bifreiðinni í góðu ástandi til lengri tíma.

ProLan er lanólínbundin ryðvörn sem virkar öðruvísi en margar hefðbundnar ryðvarnir. Efnið smýgur inn í örholur málmsins, samskeyti, rifur og holrými og hrindir frá sér raka. Með því minnka þær aðstæður sem ryð þarf til að halda áfram að myndast.

ProLan harðnar ekki og myndar ekki lokaða skel utan um málminn. Efnið helst virkt og vinnur sig inn í samskeyti og önnur viðkvæm svæði. Það skiptir miklu máli þar sem ryð byrjar oft á stöðum sem sjást illa eða alls ekki við venjulega skoðun, til dæmis inni í holrýmum, við festingar og þar sem málmhlutar mætast.

Untitled - August 11, 2026 at 16.01.58-16.png

Bifreiðin er alltaf skoðuð á lyftu

Það er mjög takmarkað hvað hægt er að segja um ástand undirvagns með því að leggjast undir bifreið úti á plani.

Til þess að við getum skoðað grind, undirvagn, festingar, samskeyti og aðra mikilvæga staði almennilega þarf bifreiðin að vera komin upp á lyftu.

Þess vegna er skoðunin hluti af bókuðu ryðvarnarferli hjá okkur frekar en sérstök forskoðunarþjónusta.

Þegar bifreiðin er komin upp á lyftu förum við yfir ástand hennar áður en við höldum áfram.

Ef allt lítur eðlilega út höldum við áfram með ryðvörnina.

Ef við finnum hins vegar alvarlegar ryðskemmdir eða eitthvað sem við teljum að þurfi að gera við áður en skynsamlegt er að ryðverja bifreiðina, stöðvum við verkið og látum eigandann vita.

Ef niðurstaðan er sú að við viljum ekki ryðverja bifreiðina vegna ástands hennar tökum við ekki gjald fyrir þá skoðun.

Við viljum miklu frekar gefa þá vinnu en að taka greiðslu fyrir að setja ryðvörn yfir bifreið sem þarf í raun að gera við fyrst. Eigandinn getur þá ákveðið hvort hann vilji fara í viðgerðir eða hvort skynsamlegra sé að setja fjármagnið í aðra bifreið.

Við erum að reyna að varðveita bifreiðar og lengja líftíma þeirra. Ryðvörn á ekki að vera leið til þess að fela alvarlegar ryðskemmdir.

Undirbúningurinn skiptir miklu máli

Við lítum ekki á ryðvörn sem það eitt að sprauta efni undir bíl. Undirbúningurinn skiptir ekki síður máli en efnið sjálft.

Bifreið þarf að koma til okkar daginn fyrir bókaðan tíma, fyrir kl. 17:00.

Hún stendur inni hjá okkur yfir nótt við um 25–30°C. Þannig fáum við bifreiðina þurra og málminn við gott hitastig áður en við byrjum að vinna.

Við vatnsþvoum ekki undirvagninn rétt áður en ryðvörn er framkvæmd. Við viljum ekki setja vatn og raka inn í samskeyti og holrými og fara síðan beint í að ryðverja þau.

Í staðinn er undirvagninn hreinsaður og undirbúinn eftir þörfum og við notum meðal annars öflugt þrýstiloft, um 10 bör, til hreinsunar.

Við förum yfir ástandið, laust og dautt ryð og þá staði sem þarf að skoða betur áður en efnið er borið á. Ef einhver svæði vekja grun hjá okkur skoðum við þau sérstaklega áður en haldið er áfram.

Við notum ekki sama efnið alls staðar

ProLan er ekki eitt efni sem við sprautum eins yfir allan undirvagninn.

Við notum mismunandi gerðir eftir því hvaða hluta bifreiðarinnar við erum að vinna með og hvernig ástand málmsins er.

Við erum með efni sem henta meðal annars fyrir ryðgaðan málm, grind og undirvagn, holrými og svæði sem þurfa þyngri eða endingarmeiri vörn.

Þannig fær ryðgaður málmur ekki endilega sömu meðhöndlun og heilt holrými og við veljum efnið eftir því hvað við erum að verja.

Markmiðið er að nota rétta efnið á réttum stað og fá það þangað sem það á að vinna.

Holrými og samskeyti skipta miklu máli

Það sem sést utan á undirvagninum er aðeins hluti af bílnum.

Ryð getur byrjað inni í holrýmum, við samskeyti, festingar og á öðrum stöðum þar sem raki situr án þess að eigandinn verði var við það fyrr en töluvert seinna.

Þess vegna leggjum við mikla áherslu á þessa staði.

Í holrýmum notum við meðal annars 360° úðabúnað. Hann dreifir efninu í allar áttir inni í holrýminu svo við náum betur að innra byrðinu í stað þess að efnið fari eingöngu beint fram fyrir stútinn.

ProLan fær tíma og magn til að vinna sig inn í samskeyti, rifur, yfirborð og örholur málmsins. Við viljum ekki bara sjá fallegt lag utan á, efnið þarf að komast þangað sem vörnin skiptir máli.

Hvað ef bíllinn er þegar ryðgaður?

Bíll þarf alls ekki að vera ryðlaus til þess að ProLan geti gagnast honum.

Ef ryð er byrjað en málmurinn er enn heill og í ástandi sem hægt er að vinna með, þá vinnum við með það.

ProLan smýgur inn í ryðið og að málminum og hrindir frá sér raka. Með því er verið að draga úr þeim aðstæðum sem ryðið þarf til að halda áfram.

Þess vegna er oft hægt að gera mikið fyrir eldri bifreiðar sem eru þegar byrjaðar að ryðga.

Það eru hins vegar takmörk.

Ef málmurinn er orðinn það illa farinn að hann þarfnast viðgerðar, þá kemur ryðvörn ekki í stað þeirrar viðgerðar. Þá látum við eigandann vita og förum ekki einfaldlega yfir skemmdirnar með efni.

Hvað ef bíllinn hefur áður verið ryðvarinn með öðru efni?

Það er ekkert því til fyrirstöðu að koma með bifreið til okkar þó hún hafi áður verið ryðvarin með Fluid Film, Tectyl eða annarri ryðvörn. Við fáum reglulega til okkar bifreiðar sem hafa áður fengið annars konar meðhöndlun og metum hvert tilfelli fyrir sig.

Reynsla okkar á verkstæðinu er sú að ástand eldri ryðvarnar getur verið mjög mismunandi. Það fer meðal annars eftir því hvaða efni var notað, hversu langt er síðan það var borið á, hversu þykkt lagið er, notkun bifreiðarinnar og hvaða aðstæður hún hefur verið í.

Við höfum til dæmis fengið bifreiðar þar sem mjúk eldri ryðvörn er enn mjög sleip og hefur safnað í sig töluverðum óhreinindum. Í slíkum tilfellum getur tekið lengri tíma að hreinsa og undirbúa bifreiðina áður en við getum unnið með hana eins og við viljum.

Þegar nokkur ár eru liðin frá fyrri meðhöndlun getur staðan hins vegar verið allt önnur. Efnið getur þá verið orðið þurrara eða veðrað og mun auðveldara getur verið að undirbúa bifreiðina. Þess vegna segjum við ekki sjálfkrafa að gömul ryðvörn þurfi að fara af eða að hún valdi aukakostnaði. Við þurfum fyrst að sjá hvernig hún er í raun og veru.

Við höfum einnig unnið með bifreiðar sem eru með gamla og þykka Tectyl-húðun. Þar getur verið erfiðara að sjá ástand málmsins undir húðuninni og undirbúningur getur orðið meiri, sérstaklega ef húðunin er farin að losna eða ryð er sjáanlegt við hana. Þetta metum við alltaf þegar bifreiðin er komin upp á lyftu.

Það sem okkur líkar sérstaklega við ProLan er að við erum ekki að reyna að búa til harða skel utan um undirvagninn. ProLan helst mjúkt og virkt, smýgur inn í örholur málmsins, samskeyti, rifur og holrými og hrindir frá sér raka.

Það gerir okkur einnig kleift að fylgjast áfram með bifreiðinni. Við myndgreinum ástandið, skoðum hana aftur eftir eitt ár og síðan að jafnaði á fjögurra ára fresti. Við berum ekki sjálfkrafa nýja heila húðun á bílinn við hvert eftirlit heldur skoðum fyrst hvernig vörnin hefur haldið sér og bætum aðeins við þar sem þess er þörf.

Það er einmitt hugsunin á bak við okkar aðferð: við viljum geta séð ástand bílsins, fylgst með þróuninni og meðhöndlað eftir raunverulegri þörf í stað þess að gera ráð fyrir að allir bílar þurfi sömu meðhöndlun á sama tíma.

Ef bíll hefur áður fengið Fluid Film, Tectyl eða aðra ryðvörn þarf því ekki að hafa áhyggjur af því áður en komið er til okkar. Við skoðum hvað er fyrir á bílnum og hvernig það hefur haldið sér og ákveðum út frá raunverulegu ástandi hvernig best er að vinna áfram með ProLan.

Viðbótarvinna og aukinn undirbúningur

Verðhugmynd okkar miðast við eðlilega vinnu og undirbúning fyrir viðkomandi bifreið.

Það er hins vegar ekki hægt að sjá allt fyrir áður en við byrjum.

Stundum kemur ekki í ljós fyrr en hreinsun hefst að bifreiðin er mun tímafrekari í undirbúningi en venjulega. Það getur til dæmis verið vegna mikilla óhreininda eða eldri ryðvarnarefna.

Ef aukinn tími fer í nauðsynlega hreinsun og undirbúning til þess að við getum unnið verkið rétt, höldum við þeirri vinnu áfram. Við getum ekki alltaf vitað áður en við byrjum hversu langan tíma slík vinna tekur.

Ef við sjáum hins vegar að þörf er á annarri eða sérstakri viðbótarvinnu sem við vitum að getur haft veruleg áhrif á kostnaðinn, höfum við samband við eigandann áður en farið er í þá vinnu.

Við viljum vinna verkið rétt en jafnframt að viðskiptavinurinn viti af því ef eitthvað óvenjulegt kemur upp sem getur haft veruleg áhrif á kostnaðinn.

Allt ferlið er myndgreint

Við myndgreinum ryðvarnarferlið.

Myndir eru teknar af bifreiðinni fyrir og eftir ryðvörn og framkvæmdin er skráð í verkbókhald okkar. Eigandinn fær myndirnar sendar og getur því sjálfur séð ástand bifreiðarinnar og hvað var gert.

Þetta skiptir líka máli seinna.

Þegar sama bifreið kemur aftur í eftirlit eigum við eldri myndir og upplýsingar og getum borið saman ástand hennar milli skoðana.

Þannig erum við ekki bara að horfa á bílinn þann dag sem hann kemur, við getum fylgst með þróuninni yfir lengri tíma.

Hvað með rafbíla?

Rafbílar ryðga líka.

Það er algengur misskilningur að rafbílar þurfi ekki ryðvörn vegna þess að þeir eru ekki með hefðbundna brunavél. Ryðmyndun hefur hins vegar ekkert með það að gera hvort bíllinn gengur fyrir rafmagni, bensíni eða dísil.

Málmurinn verður enn fyrir raka, súrefni og salti.

Undirvagn, burðarvirki, festingar, boltar, samskeyti og aðrir málmhlutar rafbíla verða fyrir sömu íslensku aðstæðum og aðrar bifreiðar.

Rafbílar eru auk þess með mikið af rafbúnaði og rafmagnstengjum þar sem raki og tæring geta valdið vandamálum.

ProLan getur hjálpað til við að verja viðeigandi málmhluta og rafmagnstengi gegn raka og tæringu. ProLan hefur verið prófað við allt að 70 kV AC og myndar rafeinangrandi filmu á meðhöndluðum flötum.

Það þýðir auðvitað ekki að við sprautum efni stjórnlaust yfir háspennukerfi eða allan rafbúnað bílsins.

Við skoðum uppbyggingu bifreiðarinnar og meðhöndlum þau svæði sem eiga að fá ryðvörn. Rafbíll er því meðhöndlaður með tilliti til þess hvernig hann er byggður, rétt eins og aðrar bifreiðar.

Nánari upplýsingar um rafbíla, ryðfrítt stál og tæringu má lesa hér:

https://www.smariholm.com/rafbilar-og-rydfritt-stal

Hvað gerist eftir fyrstu ryðvörnina?

Við viljum ekki að fólk haldi að það þurfi sjálfkrafa að kaupa nýja heila ryðvörn á eins eða fjögurra ára fresti.

Við vinnum ekki þannig.

Fyrsta endurkoma er að jafnaði eftir eitt ár.

Þá fer bifreiðin aftur upp á lyftu. Við skoðum hvernig vörnin hefur haldið sér, förum yfir ástandið og tökum myndir.

Við endurkomuna berum við einnig ProLan á viðkvæm svæði, meðal annars í hurðir, húdd, skott og neðri hluta þar sem ryð byrjar gjarnan.

Síðan metum við hvort undirvagn, grind eða önnur svæði þurfi meiri ProLan-meðhöndlun.

Ef við teljum að frekari meðhöndlunar sé þörf höfum við samband við eigandann, segjum honum hvað við sjáum og fáum samþykki áður en sú meðhöndlun er framkvæmd.

Ef ekkert þarf að gera undir bílnum, þá gerum við ekkert þar að óþörfu.

Við framkvæmum skoðunina, tökum myndir, sinnum þeim svæðum sem tilheyra endurkomunni og eigandinn sækir bifreiðina.

Við viljum ekki setja annað heilt lag af ProLan á bifreið bara af því að ár er liðið ef gamla vörnin er enn að gera sitt gagn.

Hvað gerist eftir fyrsta árs eftirlitið?

Eftir fyrsta árs eftirlitið er næsta reglubundna eftirlit að jafnaði eftir um fjögur ár.

Þá gerum við í raun það sama aftur.

Bifreiðin fer á lyftu, við skoðum ástandið, myndgreinum hana og metum hvort eitthvað þurfi að gera.

Við bætum aðeins við ProLan þar sem þörf er á því.

Það er því ekki rétt að segja að ProLan þurfi alltaf að endurnýja á fjögurra ára fresti.

Við skoðum á ákveðnum tímum en meðhöndlum eftir ástandi.

Sumir bílar þurfa meiri meðhöndlun eftir fyrsta árið.

Aðrir þurfa hana ekki fyrr en eftir fjögur ár.

Sumir geta farið átta ár og aðrir jafnvel tíu ár áður en þörf er á umfangsmeiri endurmeðhöndlun.

Það getur líka verið bíll sem þarf meðhöndlun eftir fyrsta árið og síðan aftur við fjögurra ára eftirlitið. Annar bíll getur verið mjög góður eftir fyrsta árið en þurft eitthvað við næsta eftirlit.

Þetta fer eftir bílnum, notkun hans, ástandinu þegar við fengum hann fyrst og því hvort önnur ryðvörn var fyrir á honum.

Bílar sem þurfa endurteknar umfangsmiklar meðhöndlanir, til dæmis þrisvar eða fjórum sinnum, eru oft bílar sem voru töluvert ryðgaðir fyrir eða eru með þykka og erfiða gamla húðun, til dæmis gamalt Tectyl.

Það er þess vegna sem við viljum skoða fyrst og meðhöndla síðan eftir því sem bíllinn sjálfur þarf.

Við viljum ekki selja fólki ryðvörn sem bíllinn þarf ekki.

Verð

Verð á ryðvörn er gefið upp sem verðhugmynd, þar sem tveir bílar af sömu tegund geta jafnvel verið mjög ólíkir undir.

Ástand bifreiðarinnar, stærð hennar, eldri ryðvörn og sá undirbúningur sem þarf getur haft áhrif á endanlegan kostnað.

Verðhugmynd fyrir ryðvarnarþjónustuna má sjá hér:

Nánari upplýsingar um ryðvarnarferlið og skilmála okkar má finna hér:

Í stuttu máli

ProLan ryðvörn hjá okkur snýst ekki bara um að sprauta efni undir bíl.

Við fáum bifreiðina inn daginn áður, hitum og þurrkum hana, hreinsum og undirbúum undirvagninn, skoðum bifreiðina á lyftu og veljum síðan efni og meðhöndlun eftir því sem við sjáum.

Við vinnum sérstaklega með samskeyti, holrými og staði þar sem ryð byrjar gjarnan, myndgreinum ferlið og eigandinn fær gögnin send.

Síðan fylgjum við bifreiðinni eftir.

Fyrsta eftirlit er að jafnaði eftir eitt ár og eftir það um fjögurra ára millibili. Það þýðir þó ekki að bíllinn sé sjálfkrafa ryðvarinn aftur í hvert skipti.

Við skoðum bílinn, sjáum hvernig vörnin hefur haldið sér og gerum aðeins það sem þarf.

Sumir bílar þurfa meiri vörn fyrr, aðrir miklu seinna. Það er ástand bifreiðarinnar sem ræður því, ekki dagatalið.

ChatGPT Image May 23, 2026, 02_51_00 PM.png

VERNDAÐU BÍLINN ÁÐUR EN RYÐIÐ BYRJAR

✓ Margstigs ryðvarnarferli

✓ Fullkomin vernd undirbíls, ramma og faldra holrúma

✓ Myndaskráning og skýrsla um ástand ökutækis

✓ Öryggis- og akstursprófað

✓ Innifalin eftirfylgd

✓ Engin gjaldtaka ef meðferð hentar ekki

BÓKA TÍMA

HAFA SAMBAND

VERÐ

AF HVERJU ÞARF BÍLLINN ÞINN RYÐVÖRN?

TIL 5X HRAÐARI TÆRING ÁN VARNAR

Íslenska loftslagið eykur tæringu.

✓ Vegsalt ✓ Raki ✓ Frost / þíða ✓ Malarskemmdir ✓ Sjávarsalt ✓ Falinn raki

Ryð hefur ekki bara áhrif á útlit.

Ryðmyndun getur ógnað öryggi, áreiðanleika og langtíma verðmæti ökutækisins þíns með því að hafa áhrif á mikilvæga íhluti, svo sem:

✓ Veikt undirvagn og burðarvirk

✓ Verslun mikilvægra öryggiskerfa

✓ Stífluð eða biluð vélræn íhluti

✓ Fljótari slit á berskjaldaðri málmvinnu og festingum

✓ Kostnaðarsamar viðgerðir sem hefði mátt koma í veg fyrir

✓ Minni langtímaáreiðanleiki

✓ Lægra endursöluverð

✓ Styttri líftími ökutækisins í heild

✓ og margt fleira

VERNDAÐU ÖRYGGI, VERÐMÆTI OG LÍFTÍMA BÍLSINS ÞÍNS

Hafðu samband við okkur til að fá verðtilboð.

Af hverju PROLAN?

HVAÐ FELST Í ÞJÓNUSTUNNI?

Þetta er ekki einföld yfirúðun. Við fylgjum ítarlegu margþættu ferli til að tryggja raunverulega langtímavörn.

✓ Heildarskoðun og ástandsmat ökutækis

Metum núverandi ryð, fyrri meðferðir og áhættusvæði.

✓ Undirbúningur fyrir hámarks virkni

Ökutækið er þurrkað og hitað til að tryggja rétta virkni meðferðarinnar.

✓ Aðgangur að falnum svæðum

Dekk, hlífar og aðgangshlutar fjarlægðir þar sem þarf.

✓ Undirbúningur með háþrýstilofti

Laust ryð, óhreinindi og raki fjarlægð áður en meðferð hefst.

✓ Fullkomin PROLAN meðferð

Við meðhöndlum viðkvæm svæði þar sem tæringu er hætt við, þar á meðal undirvagn, grind, sílsa, holrými, samskeyti, festingar og aðra málmhluta.

✓ Myndskráning og ástandsendurgjöf

Við skrásetjum ferlið og upplýsum um hugsanleg viðhaldsefni.

✓ Öryggisskoðun og aksturspróf

Tryggir örugga afhendingu ökutækis.

✓ Innifalin eftirfylgd

Fyrsta endurkoma og yfirferð innifalin.

✓ Langtíma vernd og viðhald

Viðhaldsskoðanir eftir þörfum til að tryggja áframhaldandi vörn.

✓ Treyst af eigendum allt frá fólksbílum til sérútbúinna vinnubifreiða
Við ryðverjum fólksbíla, jeppa, ferðamannabifreiðar, rútur, þjónustubifreiðar, björgunarbíla, þungavinnubifreiðar og torfærutæki.

✓Heiðarlegt mat — engin gjaldtaka ef meðferð hentar ekki

Ef ökutæki er of illa farið til að ryðvörn sé skynsamleg.

Heildarskilmálar

RYÐVARNARFERLIÐ